Чөлөөт бөхийн насанд хүрэгчдийн Азийн АШТ Энэтхэгийн нийслэл Шинэ Дели эхэллээ. Чөлөөт бөхийн эмэгтэйчүүдийн 63, 75 кг-ын жингийн барилдаан гавьяат тамирчин С.Батцэцэг, спортын мастер Г.Уртнасан нар дэвжээнд гарлаа.
“Лондон-2012” олимпийн наадмын хүрэл медальт, ДАШТ-ий хошой алт, нэг мөнгөн медальт, Монгол Улсын гавьяат тамирчин Соронзонболын Батцэцэг эхний тойрогт БНСУ-ын Хан Жин Ёныг, хагас шигшээ барилдаанд эзэн орны Риту Ритуг тус тус цэвэр ялсан байна. Тэрбээр аваргын төлөө Японы бөх А.Гимпейтэй барилдаж үндсэн цаг дуусахаас таван секундын өмнө мөн цэвэр ялж, анх удаагаа Азийн АШТ-д анх удаа түрүүллээ.
Азийн АШТ-д анх удаа тоосоо өргөж буй, энэ жилийн Иван Ярыгиний “Алтан Гранпри”-гийн аварга Ган-Очирын Уртнасаны Узбекистаны Нулифар Гадаеватай 1/4 шигшээд тааран барилдаж цэвэр ялсан ч хагас шигшээд БНХАУ-ын Палиха Палихад цэвэр ялагдлаа. Тэрбээр хүрэл медалийн төлөө өнгөрсөн жилийн Азийн АШТ-ий хүрэл медальт, Казахстаны Гульмарал Йербековатай хүч үзэн ялагдсанаар шагналт байрт орлоо.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
