Аваргуудын лигийн В хэсгийн хоёр тоглолт өнгөрсөн шөнө боллоо. Энэ хэсэгт багтсан Францын “ПСЖ” клуб эхний тойрогт Шотландын “Селтик”-ийг хүлээн авч, 0:5-аар буулгаж авлаа. Ингэснээр эхний гурван оноогоо халааслаж, хэсгийг тэргүүлж байна.
Тоглолтын 19 дэх минутад Неймар тооны харьцааг нээсэн. Улмаар Мбаппе “ПСЖ” клубын төлөөх Аваргуудын лигийн анхны гоолоо 34 дэх минутад оруулсан юм. Тэгвэл Кавани 40, 85 дахь минутад хоёрыг оруулж, Люстиг өөрийнхөө хаалганд 83 дахь минутад авто гоол оруулсан билээ.
В хэсгийг толгойлсон Германы “Байерн Мюнхэн” клуб талбайдаа Бельгийн “Андерлехт”-ыг хүлээж авч, 3:0-ээр буулгаж авлаа. Ингэснээр 3 оноотой болж, гоолын зөрүүгээр хоёрдугаар байрт бичигдэж байна. Тоглолтын 11 дэх минутад “Андерлехт”-ээс Свен Кумс улаан хуудас авч, талбайг чөлөөлсөн. Тэгвэл 12 дахь минутад Левандовски торгуулийн цохилтоос тооны харьцааг нээсэн. Түүний дараа 65 дахь минутад Алькантара 65 дахь минутад нэгийг нэмсэн бол Киммих 90 дэх минутад гүйцээжээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
