Африкийн цомын финалд Сенегалын шигшээ баг шалгарлаа

Африкийн цомын финалд Сенегалын шигшээ баг шалгарлаа

Африк тивийн хөл бөмбөгийн аварга шалгаруулах 33 дахь удаагийн тэмцээн "Africa Cup of Nations (AFCON)"-ийн шөвгийн дөрвийн эхний тоглолт Сенегал, Буркина Фасо улсуудын хооронд боллоо.

Тоглолтын эхний үе 0-0 харьцаагаар өндөрлөсөн бол хоёрдугаар үеийн 70 дахь минутад Сенегалын шигшээ багийн хамгаалагч Абду Диалло тооны харьцааг нээсэн.

Улмаар Садио Манегийн дамжуулалтаар 76 дахь минутад Идрисса Гаай тооны харьцааг 2-0 болгосон бол Буркина Фасогийн Блати Туре 82 дахь минутад гоол оруулж тооны харьцааг ойртуулсан.

Гэвч Сенегалын шигшээ багийн шилдэг тоглогч, Ливерпүүл клубийн Садио Мане 87 дахь минутад гоолдсоноор баг нь 3-1 харьцаагаар хожиж тэмцээний финалд шалгарлаа.

Шөвгийн дөрвийн нөгөө тоглолт Египет, Камеруны хооронд хоёрдугаар сарын 4-ний 03:00 цагаас болно. Тэдний хожигдсон нь Буркина Фасотой хүрэл медалийн төлөө хоёрдугаар сарын 7-ны 00:00 цагаас тоглох бол хожсон нь аваргын төлөө Сенегалтай 03:00 цагаас тоглоно

ФОТО:

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.