Яшар Догу, Вэхби Эмре, Хамит Каплан нарын нэрэмжит бөхийн төрлүүдийн дэлхийн чансааны оноо олгох тэмцээн Туркийн Стамбул хотод болж байна.
Өнөөдөр эмэгтэйчүүдийн 57 кг-ын жинд 23 хүртэлх болон насанд хүрэгчдийн Азийн АШТ-ий мөнгөн медальт “Аврагч” спорт хорооны тамирчин ОУХМ Хүрэлхүүгийн Болортуяа, 62 кг-д “Ташкент-2014” ДАШТ-ий алт, “Лас-Вегас-2015” ДАШТ-ий мөнгөн медальт, “Алдар” спорт хорооны тамирчин, Монгол Улсын гавьяат тамирчин Сүхээгийн Цэрэнчимэд нар барилдав.
Манай хоёр бүсгүй жиндээ тус бүр гурван өрсөлдөгчөө илт давуу цэвэр ялалт авснаар алтан медалийн төлөө барилдахаар шалгарсан. Шигшээ барилдаан Монголын цагаар 23:00 минутад эхлэх бөгөөд Х.Болортуяа ДАШТ-ий хошой хүрэл медальт Беларусийн бөх Болгарын Евелина Николоватай, С.Цэрэнчимэд АНУ-ын Мэллори Килттэй тус тус барилдана.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
