Холимог тулааны дэлхийн хамгийн том холбоо UFC-ийн аваргын бүсийн төлөөх 275 дахь тэмцээн өнөөдөр /зургаадугаар сарын 12/ өглөө 06:00 цагаас эхэлсэн. Тэмцээний гол тулаануудын нэг нь Монголын тулаанч Д.Батгэрэл Өмнөд Солонгосын тулаанч Кьюн Хо Кан нарын хооронд болов.
"Талын шуурга" Д.Батгэрэл гурван үеийн турш цохилтоор илүүрхсэн ч гурван шүүгчийн нэгдсэн саналаар ялагдлаа. Энэ нь түүний хоёр дараалсан ялагдал болсон. Ингэснээр Д.Батгэрэлийн ялалт ялагдлын харьцаа 12-4 болсон бол Кьюн Хо Каных 18-9 болов. Кьюн Хо Кан нь UFC 275-д Саймон Оливейратай тулалдах байсан ч цуцлагдаж Монголын тулаанчтай учраа таарчээ.
34 настай туршлагатай тулаанч хамгийн сүүлд 2021 оны арваннэгдүгээр сард Бразилын Рани Яахад ялагдаад байсан юм. Харин Д.Батгэрэлийн хувьд өнгөрсөн гуравдугаар сард АНУ-ын Крис Гутерезт ялагдаад байв. Хоёр тулаанч хоёул Брэндон Дэвис, Гуидо Каннетти нарыг ялсан удаатай.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
