2026 оны 2-р улирлын S-Tier төвшиний хоёр дахь тэмцээн болох Esports World Cup 2026 тэмцээний CS2 төрлийн тэмцээн эхэлж байна.
Тэмцээнд 32 баг оролцох бөгөөд 4 хэсэгт хуваагдана. Хэсгийн шатанд double-elimination форматаар тоглож хоёр хожсон нь цааш шалгарч хоёр хожигдсон нь тэмцээнээ өндөрлүүлэх байдлаар хэсэг бүрээс 4 баг нь шигшээ шатанд шалгарах юм.
Тэгвэл тус тэмцээнд Монгол Улсаас The MongolZ баг оролцох бөгөөд тэд D хэсэгт орж эхний тоглолтоо өнөөдөр ОХУ-ын magic багтай тоглоно. Хоёр баг өмнө нэг удаа тоглосон бөгөөд PGL Astana 2026 тэмцээний хэсгийн эхний тоглолтод оролцож 2-0 (Mirage 25-23; Inferno 13-4; Ancient 0-0) харьцаагаар хожиж байжээ.
Харин энэ удаагийн тэмцээнд The MongolZ баг шинэ бүрэлдэхүүнтэйгээр тоглох бөгөөд bLitz /багийн ахлагч/ Б.Гарьдмагнай, Techno4k М.Содбаяр, 910 /AWPer/ Б.Өсөхбаяр, tikuak Ч.Золбаяр, DarkMeister Д.Ирээдүй нар тоглох бол maaRaa /coach/ Б.Эрдэнэдалай тэднийг дасгалжуулах юм.
