Дэлхийн нэгэн хүчирхэг гүрэн болох АНУ-ын дараагийн Ерөнхийлөгч ирэх арваннэгдүгээр сарын 8-нд тодорно. Энэ сонгуульд Ардчилсан намаас Төрийн нарийн бичгийн дарга асан Хиллари Клинтон, Бүгд найрамдах намаас үл хөдлөх хөрөнгийн тэрбумтан Доналд Трамп нэр дэвшиж байгаа билээ. Тэгвэл хэдэн жилийн өмнө тэрбумтан Доналд Трамп эмэгтэйчүүдийг гутаасан үг хэлсэн бичлэг олон нийтэд ил болжээ. Тэрбээр энэ тухайгаа өөрийн албан ёсны интернет сайтад “Хэдэн жилийн өмнө болсон хувийн яриа байсан. Үүгээрээ хэн нэгнийг гутаан гомдоосон бол уучлал хүсье” гэж тэрбумтан бичжээ. 

Трамп 2005 онд америкийн телевизийн нэрт хөтлөгч Билли Буштай ярилцах үеэрээ эмэгтэйчүүдийн талаар хэд хэдэн бүдүүлэг үг хэлж байсан бичлэгийг олон нийтэд цацжээ