Bwin дэлхийн хамгийн үнэтэй хөлбөмбөгч хэн болох талаар судалгаа хийснээ танилцуулжээ. Судалгаанаас үзэхэд, хамгийн анх 100 сая фунтын үнэ хүрэх тоглогч нь “Боруссия Дортмунд”-ын довтлогч Пьер-Эмерик Обамеянг болох магадлал өндөр байгаа ажээ. Учир нь түүнийг “Реал Мадрид” тэргүүтэй олон баг сонирхож байгаа билээ.
Өдгөө 27 настай Габон тоглогч Бундес лигт 25 тоглолтод 25 гоол оруулчихаад байгаа юм. Судалгаа хийхдээ тоглогчдын нас, тоглож буй байдал, байрлал, баг зэрэг олон үзүүлэлтийг харгалзаж үзсэн юм байна.
Тэгвэл Bwin 100 сая фунт хүрч магадгүй хоёр дахь тоглогчоор “Тоттенхэм”-ийн довтлогч Харри Кейнийг нэрлэжээ. Одоогоор дэлхийн хамгийн үнэтэй тоглогчоор Пол Погба нэрлэгдэж буй. Тэрбээр 2016 оны зуны солилцоо наймааны цонхоор “Ювентус”-ээс “Манчестер Юнайтед” руу 89.3 сая фунт буюу 105 сая еврогоор зарагдаж байсан билээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
