Ичиножо А.Ичинноров Хошорюү С.Бямбасүрэнг давлаа

Ичиножо А.Ичинноров Хошорюү С.Бямбасүрэнг давлаа

Сүмо бөхийн Харү башё буюу гуравдугаар сарын тэмцээний 13 дахь өдрийн барилдаан өчигдөр боллоо.

Сүмод идэвхтэй барилдаж буй цорын ганц ёкозүна Терүнофүжи Г.Ган-Эрдэнэ гэмтлийн улмаас зургаа дахь өдрөөс башёг орхисон.

Комүсүби Хошорюү С.Бямбасүрэн маэгаширагийн 2-оос барилдах Ичиножо А.Ичинноровтой барилдаж өвдөг шорооджээ. Улмаар зургаан даваа долоон унаатай болсон бол Ичиножо есөн даваа дөрвөн унаатай болжээ. Өнөөдөр Хошорюү маэгаширагийн 4-өөс барилдах Эндотой барилдах бол Ичиножо маэгаширагийн 1-ээс барилдах Даэйшотой барилдана.

Маэгаширагийн 2-оос барилдах Тамаваши Б.Мөнх-Оргил өчигдөр  маэгаширагийн 6-ээс барилдах Хокүтофүжитэй барилдаж өвдөг шорооджээ. Улмаар зургаан даваа долоон унаатай болжээ. Өнөөдөр түүний өрсөлдөгч маэгаширагийн 3-аас барилдах Оношотой барилдана.

Маэгаширагийн 4-өөс барилдах Кирибаяама Б.Лхагвасүрэн маэгаширагийн 15-аас барилдах Точиношинтэй барилдаж даслаа. Улмаар есөн даваа дөрвөн унаатай болжээ. Тэрбээр өнөөдөр маэгаширагийн 9-өөс барилдах Тобизарүтэй барилдана.

Өчигдөр башёг тэргүүлэгч маэгаширагийн 7-оос барилдах Такаясү нэг унаатайгаар башёг тэргүүлж байгаа бол секиваки Вакатакакаге хоёр унаатайгаар араас нь нэхэж байна.

Харү башёд Монголын зургаан бөх барилдана. Үүнд:

  • Ёкозүна Терүнофүжи Г.Ган-Эрдэнэ 3-3 гэмтсэн
  • Комүсүби Хошорюү С.Бямбасүрэн 6-7
  • Маэгашира 2 Ичиножо А.Ичинноров 9-4
  • Маэгашира 2 Тамаваши Б.Мөнх-Оргил 6-7
  • Маэгашира 4 Кирибаяама Б.Лхагвасүрэн 9-4
  • Маэгашира 8 Чиёошома Г.Мөнхсайхан 5-8

ФОТО:

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.