Хүндийн өргөлтийн Азийн аварга шалгаруулах тэмцээн Бахрейны нийслэл Манама хотод үргэлжилж байна.
Өнөөдөр Монголын шигшээ багаас эмэгтэйчүүдийн -87 кг жинд М.Анхцэцэг оролцож огцом өргөлтөөр 114 кг өргөж алт, түлхэлттэй өргөлтөөр 135 кг өргөж алтан медаль хүртэж нийлбэр дүнгээр Азийн аварга боллоо.
Хүндийн өргөлтийн Азийн аварга шалгаруулах тэмцээн 2021 онд цар тахлын улмаас болоогүй бөгөөд 2020 онд М.Анхцэцэг -87 кг жинд хүрэл, 2019 онд -81 кг жинд мөнгөн медаль, 2016 онд -75 кг жинд алтан медаль хүртэж байсан.
Түүний жинд мөнгөн медалийг Тайванийн Ло Ин Юань, хүрэл медалийг Узбекистаны Турсуной Жабборова нар хүртсэн байна.
Өнгөрсөн жил Ташкентад болсон тэмцээнээр М.Анхцэцэг дэлхийн аварга болоход Узбекистаны Турсуной Жабборова мөнгөн медаль хүртэж байв.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
