АНЭУ-ын Абу Даби хотноо жүдо бөхийн “Их дуулга” ангиллын тэмцээн энэ сарын 28-30 –ны өдрүүдэд болох билээ. Энэ жил Абу Дабид дэлхийн 33 орны 184 жүдоч өрсөлдөхөөр мэдүүлгээ өгөөд байгаа ажээ.
Тэгвэл манай улсаас ганцхан М.Уранцэцэг гавьяат л оролцох юм байна. Эмэгтэйчүүдийн 48 кг-д дэлхийн чансааг өнгөлж байгаа тэрбээр өнөөдөр АНЭУ-ыг зорих ажээ. Мөн манайхаас шүүгч М.Бөхбат тус тэмцээнийг шүүх юм байна.
Өнгөрсөн жил манай тамирчид Абу Дабигаас алт, мөнгөн медаль хүртэж байсан билээ. 60 кг-дп өрсөлдсөн Ц.Цогбаатар мөнгөн медаль хүртэж байсан бол 90 кг-д Л.Отгонбаатар аваргалж байлаа. Харин энэ жил ердөө л ганцхан тамирчин өрсөлдөх нь.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
