Олимпын баазаас оргосон Уганда улсын хүндийг өргөлтийн тамирчин Жулиус Ссекитолеког өчигдөр Японы цагдаа нар саатуулжээ. 20 настай Ссекитолеко бэлтгэл базааж байсан газраасаа 105 милийн зайд Японы баруун хэсэгт орших Йоккайчи хотод орогнож байжээ.
Тэрбээр алга болохоосоо өмнө “Угандад амьдрах хэцүү тул Японд ажиллаж амьдрахыг хүсэж байна” гэсэн зурвас үлдээсэн байсан юм. Одоогоор Японы цагдаа нар түүнтэй ярилцаж нөхөл байдлыг тодруулж байгаа ажээ.
Ссекитолеко олимпын наадамд өрсөлдөх эрхээ албан ёсоор аваагүй, хүлээлгийн жагсаалтад байсан тамирчин. Тэрбээр өнгөрсөн сард Японд хүрэлцэн ирсэн Угандагийн есөн тамирчны нэг бөгөөд тэдний хоёроос нь коронавирус илэрч байв. Улмаар эдгээр тамирчид зохих журмын дагуу тусгаарлагдсаны эцэст бэлтгэлдээ ороод байжээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
