NBA-ын талбайд плэйоффын эхний шатны дөрвөн тоглолт боллоо. Эхний тоглолт Лос Анжелес Клипперс талбайдаа Даллас Мавирекс багтай цувралын тав дахь тоглолтыг хийж 105-100 харьцаагаар Мавирекс хожлоо. Улмаар цувралыг 3-2 харьцаагаар тэргүүлж эхэлсэн бөгөөд цувралын зургаа дахь тоглолт энэ сарын 5-ны өдөр Мавирексын талбайд болно. Хоёр баг өөрсийнхөө талбайд хожил байгуулж чадаагүй байгаа бөгөөд Клипперс талбайд гурван тоглолт болоход бүгдад нь Мавирекс ялаад байна.

Тус тоглолтод Лука Дончич 42 оноо, 8 самбар, 14 дамжуулалтаар багаа тэргүүлсэн бол Тим Хардавай ЖР 20 оноог авчээ. эсрэг багаас гарааны тоглогчид бүгд 10-аас дээш оноог авсан бөгөөд Пол Жорж 23, Кавай Леонард 20, Режжи Жаксон 20 оноог авчээ.

Өнөөдөр болсон бусад тоглолтууд

Вашингтон Уйзардс 112-129 Филадельфи 76 /1-4 харьцаагаар Сиксерс дараагийн шатанд шалгарлаа/

Атланта Хаукс 103-89 Нью-Иорк Никс /4-1 харьцаагаар Хаукс дараагийн шатанд шалгарлаа/

Мемфис Гриззлис 110-126 Юта Жазз  /1-4 харьцаагаар Жазз дараагийн шатанд шалгарлаа/

Даллас Мавирекс 105-100 Лос Анжелес Клипперс /3-2 харьцаагаар Мавирекс тэргүүлж байгаа/