Серби улсын Белград хотноо зохиогдож буй 100,000 ам.долларын шагналын сан бүхий найман багийн дунд 1win Private Club #2 тэмцээнд болж байна. Монгол Улсаас The MongolZ баг оролцож байгаа бөгөөд өнгөрсөн шөнө хоёр тоглолт хийлээ.
Эхний тоглолт ОХУ-ын "magic" багтай тоглож 2-0 (Inferno 13-9; Ancient 13-10; Dust2 0-0) харьцаагаар хожсон бол дараагийн тоглолтоо ОХУ-ын "PRIVATE" багтай тоглож 2-0 (Mirage 13-6; Ancient 13-7; Dust2 0-0) харьцаагаар ялж доод хүснэгтийн аваргаар тоглохоор боллоо. Тэдний өрсөлдөгч энэ тэмцээнд хожигдоод байсан Германы "BIG" багтай өнөөдөр 19:00 цагт тоглохоор боллоо. Хэрвээ хожвол тус тэмцээний аваргын төлөө ОХУ-ын "PARIVISION" багтай тоглоно.
Тус тэмцээний эхний өдөр Монгол Улсаас The MongolZ баг тоглож Шведын "Alliance" багтай тоглож 2-0 (Inferno 13-8; Dust2 13-11; Ancient 0-0) харьцаагаар хожсон бол дараагийн өдөр Германы "BIG" багтай тоглож 0-2 (Cache 8-13; Mirage 6-13; Inferno 0-0) харьцаагаар хожигдож доод хүснэгт рүү унасан билээ.
The MongolZ баг энэ удаагийн тэмцээнд bLitz /багийн ахлагч/ Б.Гарьдмагнай, Techno4k М.Содбаяр, 910 /AWPer/ Б.Өсөхбаяр, У.Анарбилэг /cobrazera/, nin9 /Г.Есөнтөмөр/ нар тоглох бол maaRaa /coach/ Б.Эрдэнэдалай тэднийг дасгалжуулах юм.
